Eva Mendes është 7 muajshe shtatzënë

Revista “OK” ishte e para që raportoi se 40-vjeçarja Eva Mendes është 7-muajshe shtatzënë. Si “People”, “Us Weekly”, “Acess Hollywood” konfirmojnë se burimet e ndryshme pranë çiftit e kanë konfirmuar shtatzaninë e saj, por zëdhënësi i tyre ende nuk ka dhënë një komunikim zyrtar.

“Ajo është gati që tashmë të bëhet nënë”, thotë për “OK” një burim pranë çiftit. Ryan Gosling, 33 vjeç, filloi që të dalë në vitin 2011 me Eva Mendes dhe dalja e tyre e parë publike si çift ishte një udhëtim në Disneyland në Kaliforni.

Duke u rikthyer në muajin shkurt, Eva Mendes mohoi faktin që ishte shtatzënë pas një incidenti në aeroportin e Los Angelosit.

Një përfaqësuese e aktores tha për “MailOnline” në atë kohë: “Ajo kur bën kontrollin nuk kalon në aparaturën e skanerit, por preferon kontrollin fizik”.

Një burim për revistën “OK” thotë: “Ryan është rritur pa baba dhe ai gjithmonë thoshte se kur të kishte fëmijë do të ishte aty për ata. Ryan nuk mendon se ai do të martohet vetëm sepse ata presin një fëmijë, por sepse Eva mendon se është shumë e rëndësishme të kesh jetën të kompletuar plotësisht”.

Eva ka punuar me Ryan në debutimin e tij si regjisor në “How to Catch a Monster” duke e konsideruar si eksperiencën më të bukur që kishte përjetuar.