Evropa, destinacioni më i rrezikshëm për emigrantët, 3 000 të vdekur sivjet

Evropa konsiderohet destinacioni më i rrezikshëm për emigrantët, sipas Organizatës Ndërkombëtare për Migrim (IOM). Po sipas saj më shumë se 3,000 emigrantë kanë vdekur në përpjekje për të kaluar Mesdheun këtë vit. Besohet se më shumë se 40,000 emigrantë kanë vdekur që nga viti 200

Në një raport të botuar të hënën, IOM-i tha se 3,072 vdekjet e kthejnë Evropën në destinacionin më të rrezikshme për emigrantët e paligjshëm.

Që nga janari, 4,077 emigrantë kanë vdekur në mbarë botën dhe 75 për qind e vdekjeve kanë ndodhur në Evropë. Raporti 216 faqesh i IOM-it shpjegon se numri i lartë pasqyron një rritje dramatike të numrit të emigrantëve që u përpoqën për të arritur Evropën.

Ky publikim erdhi disa javë pasi në brigjet e Mesdheut u shënua një nga historitë më fatale, kur një anije klandestine u mbyt me 500 pasagjerët e saj në afërsi të Maltës.

William Lacy Swing, shefi i IOM-it, tha se është “koha që të ndërgjegjësomë botën për ta ndaluar këtë dhunë ndaj emigrantëve të dëshpëruar”.

Besohet se më shumë se 40,000 emigrantë kanë vdekur që nga viti 2000. Prej tyre 22,000 ishin duke u përpjekur për të arritur në Evrope