Familjet e Thaçit dhe Veselit nuk do t’i përgjigjen pozitivisht ftesës së Haxhiut për takim
Burime të Gazetës Nacionale bëjnë me dije se familjarët e dy ish-krerëve të UÇK-së nuk do të shkojnë në Presidencë; edhe djali i Jakup Krasniqit lë të kuptohet se nuk do t'i përgjigjet ftesës
Ushtruesja e detyrës së presidentes, Albulena Haxhiu, ka ftuar për një takim gjatë kësaj jave familjarët e ish-krerëve të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi dhe Rexhep Selimi.
Gazeta Nacionale ka mësuar se familjarët e Hashim Thaçit dhe Kadri Veselit nuk do t’i përgjigjen pozitivisht kësaj ftese — sipas burimeve të gazetës, këto familje nuk do të shkojnë në Presidencë për takim.
I pari që ka reaguar rreth kësaj çështjeje ka qenë djali i Jakup Krasniqit, Altin Krasniqi, i cili ka lënë të kuptohet se as ai nuk do t’i përgjigjet pozitivisht ftesës së Haxhiut.
Ftesa e Haxhiut vjen pas valës së protestave “Jo në emrin tim” kundër aktgjykimit të Dhomave të Specializuara ndaj katër ish-krerëve të UÇK-së; një ditë më parë Shqipë Selimi konfirmoi pjesëmarrjen në takim, ndërsa Klestor Veseli tha se nuk kishte marrë ftesë.
Burimi: Klan Kosova
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.