Faqet online të ministrive bien pre e hakersave

Faqet kryesore online të disa ministrive kanë rënë pre e hakersave. Për pak kohë këto faqe u bënë të paklikueshme në versionin e tyre zyrtar, dhe në vend të tyre ishte publikuar një version i gjatë dhe një peticion prej 13 pikash nga grupi hakerues.

Duke u bazuar në të dhënat e fundit, faqet e ministrive të hakeruara janë këto si më poshtë:

Ministria e Jashtme,

Ministria e Brendshme,

Ministria e Financave,

Ministria e Transportit,

Ministria e Integrimit,

Ministria e Inovacionit,

Ministria e Shëndetësisë,

Ministria e Zhvillimit Urban,

Ministria e Energjisë.

Faqet online janë hakeruar nga grupi “Redanons_Al Justice”. Hakerimi është shoqëruar me një mesazh politik me 13 pika, ku ndër të tjera kërkohet që mallrat e sekuestruara t’u jepen të varfërve, të hidhet poshtë vendimi për IMEI-n e celularëve si dhe të nisin procedime ndaj zyrtarëve të korruptuar.

Disa nga pikat e mesazhit politik të hakersave janë këto:

-Qeveria po përqendron pushtetin në duart e saj.

-Reforma në arsim është e papranueshme për realitetin shqiptar.

-Mallrat e sekuestruara t’u jepen të varfërve.

-Disa media në vend kontrollohen nga PS-ja.

-Drejtësia shqiptare, jashtë kontrollit.

-Të hidhet poshtë vendimi për IMEI-n e celularëve.

-Të nisin procedime ndaj zyrtarëve të korruptuar.

-Të ulen pagat me 50% për të gjithë deputetët.