Festivali Ndërkombëtar i Video Artit “Gjon Mili” tërheq 2500 krijime nga artistë në mbi 90 vende të botës

Festivali Ndërkombëtar i Video Artit “Gjon Mili” ka tërhequr një pjesëmarrje të jashtëzakonshme në edicionin e tij të dytë, duke mbledhur rreth 2500 krijime artistike nga mbi 90 vende të botës, vetëm një javë përpara afatit të fundit për dorëzimin e veprave. Festivali, i cili do të mbahet në Korçë, Shqipëri, në ambientet e muzeut Gjon Mili, dhe në New York, SHBA, nga data 15 nëntor – 22 dhjetor 2024, premton të ofrojë një përvojë unike për publikun, duke prezantuar disa nga veprat më inovative, provokuese dhe emocionuese të filmit eksperimental dhe artit vizual.

Festivali përfshin një spektrum të gjërë të formave të reja filmike, duke përfshirë Narrativën Vizuale, Filmin e Shkurtër Eksperimental, Dokumentarë të Shkurtër Eksperimental, animacion, dhe shumë forma hibride. Synimi i tij është të krijojë një platformë për artistë në zhvillim nga e gjithë bota që të krijojnë, të prezantojnë punimet e tyre dhe të frymëzojnë audiencën me qasje të reja artistike.

Pjesëmarrje nga më shumë se 90 vende të botës

Krijues nga çdo kontinent janë pjesëmarrës në këtë festival unik, duke përfaqësuar një gamë të gjerë kulturash dhe perspektivash. Disa nga vendet më të përfaqësuara në këtë edicion përfshijnë:

• Shtetet e Bashkuara: 149 krijime
• India: 147 krijime
• Italia: 126 krijime
• Kina: 98 krijime
• Brazili: 93 krijime
• Franca: 89 krijime
• Spanja: 80 krijime
• Turqia: 69 krijime
• Gjermania: 53 krijime
• Argjentina: 63 krijime
• Kanadaja: 41 krijime
• Meksika: 44 krijime
• Egjipti: 38 krijime
• Greqia: 29 krijime
• Indonezia: 28 krijime
• Koreja e Jugut: 26 krijime
• Australi: 26 krijime
• Izraeli: 20 krijime
• Japonia: 18 krijime
• Afrika e Jugut: 16 krijime
• Serbia: 14 krijime
• Pakistani: 14 krijime
• Hong Kongu: 14 krijime
• Filipinet: 12 krijime
• Kolumbia: 10 krijime
• Zvicra: 10 krijime
• Irlanda: 10 krijime
• Singapori: 9 krijime
• Venezuelë: 8 krijime
• Iraku: 7 krijime
• Lituania: 6 krijime
• Shqipëria: 6 krijime
• Uzbekistani: 5 krijime
• Vietnami: 5 krijime
• Tunizia: 5 krijime
• Bangladeshi: 9 krijime
• Ukraina: 14 krijime dhe shume vende te tjera

Çmime dhe Kategori

Festivali i Video Artit Gjon Mili ofron disa kategori të çmimeve prestigjioze për artistët pjesëmarrës:

Çmimet Kryesore

1. Video Arti & Eksperimentali më i Mirë
2. Dokumentari më i Mirë i Shkurtër

Film Studentor

1. Animacioni më i Mirë Studentor
2. Dokumentari më i Mirë Studentor
3. Eksperimentali më i Mirë Studentor
4. Zgjedhja e Audiencës

Eventi dhe Prezantimi

Ngjarja do të shtrihet në dy kontinente, duke mbledhur audienca nga New York City dhe Korça, Shqipëri, ku do të prezantohen krijimet më të spikatura nga artistët pjesëmarrës. Festivali “Gjon Mili” po kthehet në një platformë kryesore për artin e ri dhe mediat eksperimentale, duke krijuar një urë lidhëse midis audiencave shqiptare dhe ndërkombëtare.