FIFA zbulon artistët për ceremoninë e mbylljes së Kupës së Botës 2026

FIFA njoftoi të martën emrat që do të marrin pjesë në ceremoninë e mbylljes së Kupës së Botës 2026, e cila do të zhvillohet 90 minuta para finales së së dielës. Shfaqja synon të përkujtojë dhe të përmbledhë rrugëtimin e 48 skuadrave në 16 qytete nikoqire në tre vende.

Raporton Associated Press, në listën e artistëve janë përfshirë streamer-i IShowSpeed, aktori Tom Cruise në një “paraqitje të veçantë”, Laura Pausini, Nicole Scherzinger dhe Robbie Williams. Jennifer Hudson, e cila ka fituar Emmy, Grammy, Oscar dhe Tony, do të interpretojë himnin kombëtar të Shteteve të Bashkuara. Heimo Schirgi, drejtori i operacioneve për Kupën e Botës, tha se ceremonia do të lidhej me hapjen e turneut përmes muzikës, kulturës dhe futbollit, duke përmbyllur kështu rrugëtimin e kompeticionit.

Ngjarja realizohet në bashkëpunim me Balich Wonder Studio nën drejtimin e Marco Balich, i njohur për organizimin e ceremoneve të mëdha. FIFA ka kërkuar që mbajtësit e biletave të vijnë me kohë dhe ka premtuar se tifozët do të kenë një rol aktiv në shfaqje. Programi pritet të nisë në orën 13:30 në MetLife Stadium në East Rutherford, New Jersey, ndërsa nisja e ndeshjes është vendosur për orën 15:00.

Ndërsa ceremonitë e mbylljes nuk janë të panjohura në histori të turneut, ky spektakël synon të sjellë një përmbyllje të veçantë për edicionin 2026, që përfshin edhe një shfaqje gjysmë kohe me artistë të tjerë të mëdhenj; sipas Associated Press.