Fillon ndërtimi i linjës së transmetimit Manastir – Elbasan, Zaevi: Lidhemi me Shqipërinë dhe Italinë

“Me këtë, përfundon edhe realizimi i rrjetit të transmetimit mes Bullgarisë, Maqedonisë së Veriut, Shqipërisë dhe Italisë”, tha Zaevi

Investimi kap vlerën prej 50 milionë eurosh dhe siç tha Zaev, bëhet fjalë për një ndër investimet më të mëdha të transmetimit të energjisë elektrike në vend.

Pritet të përfundojë në vitin 2023 dhe me këtë do të kompletohet edhe rrjeti i Korridorit 8.

“Me këtë përfundon edhe lidhja energjetike me të gjitha shtete e rajonit”, tha Zaev.

Zaev ka shtuar, se me këtë ndërtim dërgohet edhe mesazhi deri te të gjithë investuesit vendor dhe të huaj se krijojmë kushte për transmetim të energjisë elektrike në rrugë të sigurt.