Aksion kundër informalitetit dhe abuzimit me çmimet e karburanteve në Durrës

Aksioni kundër informalitetit dhe abuzimit me çmimet e karburanteve u shtri në Durrës.

Taskforca e përbërë nga Administrata Tatimore dhe Doganore zbuloi shmangie të detyrimeve tatimore dhe doganore, me qëllim përfitimi të padrejtë dhe në shkelje të legjislacionit në fuqi.

Gjatë kontrolleve u konstatuan raste të moslëshimit të faturave tatimore, prania e mallrave pa dokumentacion të rregullt, përfshirë 3 tonë gaz, mosafishim i çmimeve, përdorim i kasave jo funksionale dhe subjekte që nuk dispononin certifikata kalibrimi.

Dokumentacioni jotatimor u sekuestrua dhe materialet iu referuan autoriteteve për vijimin e hetimeve të thelluara.

Kontrollet e Administratës Tatimore dhe Doganore do të vazhdojnë në të gjithë vendin, ndërsa institucionet garantuan zero tolerancë ndaj çdo abuzimi me ligjin dhe ndaj qytetarëve.

/a.f/