Fillon rrokada e trajnerëve në Serie A. Lazio e përshëndet Sarrin me një video emocionuese, gati zyrtarizimi tek Atalanta (video)

Në klubet e Serie A pritet të ketë një rrokadë trajnerësh pas sezonit të fundit. Pak minuta më parë, Lazio ka zyrtarizuar largimin e Maurizio Sarrit. 67-vjeçari e çoi Lazion sivjet deri në finalen e Kupës së Italisë, ku u mund nga Inter. Ndërsa sezonin e fundit në Serie A, e mbylli në mesin e tabelës.

Kjo ishte aventura e dytë e Sarri-t në krye të bardhekaltërve. Hera e pare ishte nga viti 2021 deri në mars të vitit 2024, kur u largua për arsye familjare. U rikthye sërish verën e kaluar dhe qëndroi vetëm një sezon. Kontrata mes palëve është shkëputur me konsensus të përbashkët. Lazio e ka përshëndetur Sarrin me një video emocionuese në rrjetet sociale, me momentet e tij më të bukura te klubi kryeqytetas.

Grazie di tutto, Comandante 🩵#AvantiLazio pic.twitter.com/7Tc2jHQvFR

— S.S.Lazio (@OfficialSSLazio) May 27, 2026

Sarri do të jetë trajneri i ri i Atalntës, ku do të punojë me Cristiano Giuntoli, si drejtor sportiv. Ndërkohë trajneri i ri i Lazios, do të jetë Gennaro Gattuso. Milan dhe Napoli ende nuk kanë zyrtarizuar trajnerët e tyre të rinj. Fabio Grosso do të jetë trajneri i ri i Fiorentinës.