Filmi horror “Backroom”, nga Youtube në kinema

Ajo që nisi si një fenomen viral në internet me dhoma të pafundme, korridoret boshe dhe zhurmën monotone tashmë del nëpër kinema me “Backroom” të A24.

Horrori psikologjik eksploron një dimension alternativ të dhomave në dukje të pafundme me mure të verdha. 

Koncepti i filmit doli nga një “creepypasta” (histori horror të ndara nëpër internet) e cila më vonë u shndërrua në një seri filmash të shkurtër viral nga kineasti dhe artisti Kane Parsons.

Filmi i parë me metrazh të shkurtër “Backroom” arriti në 77 milion shikime në YouTube. 

Pas suksesit të tij në YouTube, Parsons po bën debutimin e tij regjisorial me adaptimin e filmit të ardhshëm artistik “Backroom”. Në moshën 20 vjeç, ai është regjisori më i ri në historinë e A24. 

Duke folur për Reuters, Parsons tha se “Backroom” me  metrazh të shkurtër nga viti 2021 ishte tërësisht e drejtuar nga VFX dhe kur seriali u bë viral dhe tërhoqi me miliona shikime pati oferta nga shumë kompani filmash.

“Prioriteti atëherë ishte të ndërtoja një model të një filmi për audiencën time që më ndiqte në internet që deri më tani janë rigorozë dhe të njohur me serialin tani bëhet edhe për pjesën tjetër të publikut që nuk kanë dëgjuar dhe parë për dhomat e pafundme”, tha regjisori Parsons.

“Backroom” do të dalë nëpër kinematë amerikane nga 29 maji.

Klan News

/tvklan.al