☁️
Tiranë 21°C · Vranët 19 Nëntor 2026
S&P 500 7,406 ▲1.13%
DOW 50,426 ▲0.45%
NASDAQ 24,886 ▲1.87%
NAFTA 83.73 ▲1.73%
ARI 3,709 ▼0.87%
💱 VALUTAT
EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717 EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717
₿ CRYPTO
BTC $63,922 ▲ +0.05% ETH $1,810 ▲ +1.04% XRP $0.9928 ▲ +0.05% SOL $75.2100 ▲ +0.56%
S&P 500 7,406 ▲1.13 % DOW 50,426 ▲0.45 % NASDAQ 24,886 ▲1.87 % NAFTA 83.73 ▲1.73 % ARI 3,709 ▼0.87 % S&P 500 7,406 ▲1.13 % DOW 50,426 ▲0.45 % NASDAQ 24,886 ▲1.87 % NAFTA 83.73 ▲1.73 % ARI 3,709 ▼0.87 %
EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717 EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717
19 Nën 2026
Breaking
Kronika

Finalizohet operacioni antidrogë “Risia” në Tiranë, sekuestrohen 12.1 kg kanabis, një 22-vjeçar arrestohet dhe një tjetër shpallet në kërkim

Sekuestrohen 12.1 kg kanabis në trajtë xhelatinoze në autostradën “Tiranë-Elbasan”. Drejtuesi i automjetit e braktisi mjetin dhe u largua, ndërsa bashkëpunëtori i tij, që monitoronte itinerarin, u vu në pranga; në banesën e tij u gjet edhe kokainë.

Policia e Shtetit ka finalizuar operacionin antidrogë të koduar “Risia”, gjatë të cilit u sekuestruan mbi 12 kilogramë kanabis në trajtë xhelatinoze, që, siç njofton Policia e Shtetit, ishin përgatitur për t’u shitur në vendin tonë.

Sipas njoftimit, specialistët e Seksionit për Hetimin e Narkotikëve shpallën në kërkim shtetasin F. I., 22 vjeç, dhe arrestuan në flagrancë bashkëmoshatarin e tij, shtetasin M. V., të dy banues në Paskuqan. Operacioni erdhi si rezultat i administrimit të shpejtë të informacionit të siguruar në vijim të punës operative për një rast të transportimit të lëndës narkotike Cannabis Sativa.

Në orët e para të mëngjesit të 19 nëntorit 2026, shërbimet e Policisë i bënë shenjë ndalimi automjetit që drejtonte shtetasi F. I. në autostradën “Tiranë-Elbasan”, por ai nuk u bind, vijoi lëvizjen me shpejtësi, braktisi automjetin dhe u largua. Gjatë ndjekjes u konstatua se lëvizjet e këtij automjeti monitoroheshin dhe siguroheshin nga një automjet tjetër, me drejtues shtetasin M. V., i cili u kap dhe u vu në pranga.

Nga kontrolli në automjetin e braktisur u gjetën 12.1 kg lëndë e dyshuar narkotike Cannabis Sativa, në trajtë xhelatinoze, ndërsa nga kontrolli në banesën e të arrestuarit u gjet një sasi lënde e dyshuar narkotike kokainë. Lëndët narkotike u sekuestruan bashkë me 2 automjetet dhe 3 celularë.

Policia bën me dije se vijon puna për kapjen e shtetasit F. I., ndërsa në drejtimin e Prokurorisë vijon hetimi për të identifikuar dhe nxjerrë përpara përgjegjësisë penale shtetas të tjerë që mund të jenë përfshirë në këtë rast. Materialet procedurale iu referuan Prokurorisë, për veprime të mëtejshme.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.