Finlanda mbetet me 10 lojtarë, Tenho ndëshkohet me karton të kuq pas ndërhyrjes së rëndë ndaj Muçit

Finlanda mbeti me 10 lojtarë në ndeshjen ndaj Shqipërisë në stadiumin “Air Albania”, në Ligën e Kombeve.

Në minutën e 67-të, mbrojtësi finlandez Miro Tenho u ndëshkua me karton të kuq, pas një ndërhyrjeje të rëndë ndaj Ernest Muçit. Arbitri e nxori kartonin e kuq, duke e lënë Finlandën në inferioritet numerik për pjesën e mbetur të ndeshjes.

Në atë moment, Shqipëria kryesonte 2-0, me golat e Ernest Muçit në minutën e 35-të dhe Rey Manajt në minutën e 50-të.