Firma kineze u vonon rrogat punonjësve, arsyeja do ju habisë
Një firmë kineze ka vonuar rrogat e punonjësve vetëm që ata të kursenin! Duket e pabesueshme, por data 11 nëntor në Kinë është “Dita e Beqarëve”, një festë relativisht e re, por që në pak kohë është bërë pjesë e kulturës vendase.
Një ditë ku në Kinë bëhen shitje marramendëse, ndërsa faqet online kanë bum shitjesh madje edhe thyerje rekordi. E tillë është faqja Ali Baba, e cila bëri 18 miliardë dollar shitje për një ditë.
Kështu, pronari i një firme kineze mesa duket ka menduar për punonjësit e tij dhe ua ka vonuar rrogat. Është firma kineze nga Chionging ajo që ngriti debate rreth vendimit të saj për t’ua shtyrë rrogat punonjësve pas datës 11 nëntor, e cila normalisht merret me datë 10 të çdo muaji.
Në këtë mënyrë punonjësit e kësaj firme s’do i bënin paratë “rrush e kumbulla” ditën e beqarëve, por do i ruanin për nevojat e tyre reale.
Madje, sipërmarrësi i firmës tha për gazetarët se kishte vënë re se shumë punonjës të tij kishin bërë gati një listë me gjërat që donin të blinin me datë 11 nëntor.
