Fitojnë lotarinë dy herë, kishin mundësi 1 në 283 miliardë

Fitim i dyfishtë për një çift anglez nga Scunthorpe të fiksuar pas lojërave të fatit. David dhe Kathleen Long kishin probabilitet 1 në 283 miliardë për të fituar sërish lotarinë “EuroMillions”, por me sa duket fati ishte me ta.

Javën e kaluar ata fituan për të dytin vit me radhë lotarinë, prej 1 milion sterlinash, ose afro 1.3 milionë euro.

Por ata thonë se nuk është vetëm fat, por edhe intuitë.

David thotë se, “E dija se një ditë do të ishte sërish radha ime. Tani që ndodhi nuk e besojmë dot”.

Në korrik të vitit 2013, ata fituan të njëjtën lotari kombëtare.