FOTO/ Na ishte një herë Milan-Juve, zero emocione, “ndizet” gara për Champions (VIDEO)

Në “San Siro”, mes Milan dhe Juve fiton frika për të mos humbur, me dy ekipet që prodhuan pak futboll, pak raste për shënim, duke ndarë në fund nga një pikë pas barazimit pa gola. Të mbërthyer nga “ethet” e Champions League, një objektiv jetik për të dy klubet, loja në “San Siro” u spostua […]

Në “San Siro”, mes Milan dhe Juve fiton frika për të mos humbur, me dy ekipet që prodhuan pak futboll, pak raste për shënim, duke ndarë në fund nga një pikë pas barazimit pa gola. Të mbërthyer nga “ethet” e Champions League, një objektiv jetik për të dy klubet, loja në “San Siro” u spostua shpejt në mesfushë, me Allegrin dhe Spallettin që fillimisht u kujdesën të mos i lejonin rivalëve hapësira në fushë.

Juve tronditi stadiumin në minutën e 36-të, me Thuram që arriti të devijojë topin në rrjetë, por gjyqtari i takimit anuloi gjithçka për pozicion jashtë loje. Në fraksionin e dytë, Milan flirtoi me golin e avantazhit, por Saelemaekers ishte i pafat ku goditja e tij brenda në zonë u përplas në traversë.

Dy trajnerët ndërhynë shumë në formacion duke kryer nga pesë zëvendësime për kokë, por pa efekt pasi rezultati mbeti i pandryshuar deri në fund.

Ky takim nuk i la një shijë të mirë tifozëve, por dhe mediave me TuttoSport që nuk kursehet në faqen e parë:

“Na ishte një herë Milan-Juve. Një barazim pa gola zhgënjyes në San Siro”

, ishte titulli kryesor i të përditshmes italiane. Ky barazim mban ende të hapur garën për një vend në Champions në Serie A. Me Milan, Juve, Como e Roma, katër ekipe në garë për dy vende, shkruan Corriere dello Sport.