Franca thërret ambasadorin e Iranit për “fushatën e dezinformimit” mbi protestat e studentëve

Franca thirri të mërkurën ambasadorin e Iranit në Paris për atë që Ministria e Jashtme franceze e përshkroi si një fushatë dezinformimi nga autoritetet iraniane kundër lëvizjes së protestave studentore në Francë, siç njofton Al Jazeera.

Zëdhënësi i Ministrisë, Pascal Confavreux, deklaroi se përmbajtja “e rreme” e publikuar nga llogaritë zyrtare të Ministrisë së Jashtme iraniane ishte “absolutisht e papranueshme”, duke shtuar se “këto provokime të padenja duhet të ndalen”.

Sipas mediave shtetërore iraniane, Teherani e thirri ambasadorin e Francës një ditë më parë, duke akuzuar Parisin për “trajtim të dhunshëm” të demonstruesve; zëdhënësi francez e cilësoi të pajustifikuar këtë veprim të Teheranit.

Incidenti vjen në një kohë tensioni diplomatik mes dy vendeve, ndërsa raportet mes Perëndimit dhe Teheranit janë rënduar edhe nga lufta SHBA–Iran dhe akuzat e ndërsjella për ndërhyrje dhe dezinformim.