Zjarr në fshatin Haspiraj të Peqinit, era favorizon përhapjen e flakëve

Një zjarr i përmasave të mëdha ka përfshirë një sipërfaqe me shkurre, pyll dhe ullishte në fshatin Haspiraj të Peqinit.

Zjarret në zonat rurale të Peqinit janë shtuar ditët e fundit, ndërsa djegia e tokave bujqësore po kthehet në një burim të përsëritur problematik. Era e fortë ka favorizuar përhapjen e flakëve, duke përfshirë sipërfaqe të konsiderueshme me pemtari.

Zjarrfikësit vijojnë apelin për banorët që të shmangin ndezjen e zjarreve dhe të tregohen të kujdesshëm gjatë djegies së mbetjeve bujqësore.