Irani i quan akuzat për përfshirjen e tij në incidentet globale të sigurisë “trap gënjeshtrash”

Zëdhënësi i Ministrisë së Jashtme të Iranit, Esmaeil Baqeai, i hodhi poshtë akuzat për përfshirjen iraniane në incidente të ndryshme globale të sigurisë — përfshirë komplotin e dyshuar pranë bazës ajrore britanike RAF Fairford — duke i quajtur “trap gënjeshtrash”, siç njofton Al Jazeera.

Në një postim, Baqeai shkroi se “flamujt e rremë” janë “një zanat i vjetër: fabriko incidentin, cakto fajtorin dhe korr pasojat”.

Ai shtoi se, ndërsa publiku bëhet gjithnjë e më skeptik ndaj “një lufte të paligjshme agresioni kundër Iranit”, të cilën agresorët nuk mund ta justifikojnë sinqerisht, “edhe një trap gënjeshtrash mund t’u duket shpëtim atyre që po mbyten”.

Deklarata vjen pasi policia britanike arrestoi një 22-vjeçar britanik nën dyshimin për vepër “terrori” të lidhur me incidentin e sigurisë pranë bazës që strehoi avionët luftarakë amerikanë të përdorur në luftën kundër Iranit. Më herët, kryeministri britanik kishte thënë se ka “indikacione të forta” për rolin e Iranit — akuza që Teherani i ka hedhur poshtë vazhdimisht.