Franca tri ditë zi kombëtare për pasagjerët e avionit algjerian

Franca shpalli sot tre ditë zi kombëtare pas aksidentit ajror të avionit të kompanisë ”Air Algerie”, në të cilin u vranë 118 njerëz në bord, përfshirë 54 francezë.

Duke filluar nga e hëna, për tri ditë, të gjitha ndërtesat publike në Francë do të mbajnë flamujt në gjysmë shtize. Sot, familjet e 54 udhëtarëve francezë që humbën jetën, janë pritur nga presidenti Francois Hollande dhe ministri i Jashtëm Laurent Fabius. Ndërkohë, në vendin e aksidentit në veri të Malit, 100 kilometra nga Gao, ekspertët e OKB-së kanë gjetur kutinë e dytë të zezë të MD-83 ”Air Algerie”./