Gazsjellësi TAP – Përmirësohet infrastruktura në zonat e thella të Korçës

Përfundimi i fazës së parë të punimeve përgjatë gjurmës së gazsjellësit TAP në qarkun e Korçë ka sjellë një infrastrukturë të përmirësuar në zonat më të izoluara të Korçës.

Në zonat më të largëta malore të Korçës, nga ana e projektit TAP janë rindërtuar apo ndërtuar nga e para rreth 15.5 km rrugë dhe 9 ura që lidhin fshatrat me zonën urbane.

Tashmë zonat më të thella malore të Korçës falë standardeve më të larta infrastrukturore, nuk do të kenë më problem të lidhen me qytetin apo me fshatrat përreth. Banorët e fshatit Shtyllë janë të parët që ndiejnë ndryshimin.

Punimet në këtë zonë u inspektuan edhe nga zv.kryeministri Niko Peleshi si dhe drejtues të projektit të gazsjellit TAP.