GJELOSHAJ TAKOHET ME AMBASADORIN GJERMAN, FOKUS TE INVESTIMET DHE BASHKËPUNIMI EKONOMIK

_{Foto: Qeveria e Malit të Zi / Vlada Crne Gore}

Zëvendëskryeministri për Politikë Ekonomike dhe ministri i Zhvillimit Ekonomik, Nik Gjeloshaj, është takuar me ambasadorin e Gjermanisë në Mal të Zi, Edgar Alfred Gansen, me të cilin ka diskutuar për forcimin e marrëdhënieve ekonomike ndërmjet dy vendeve, nxitjen e investimeve dhe zgjerimin e bashkëpunimit tregtar.

Gjeloshaj shprehu mirënjohje për mbështetjen e vazhdueshme të Gjermanisë në procesin e reformave dhe integrimit evropian të Malit të Zi, duke theksuar rëndësinë e partneritetit ekonomik dhe bashkëpunimit në kuadër të Procesit të Berlinit.

Nga ana e tij, ambasadori Gansen vlerësoi pozitivisht përparimin e Malit të Zi drejt anëtarësimit në Bashkimin Evropian, duke veçuar rezultatet e Ministrisë së Zhvillimit Ekonomik në procesin e mbylljes së kapitujve negociues.

Bashkëbiseduesit theksuan nevojën për intensifikimin e bashkëpunimit ekonomik, me fokus të veçantë në investimet e reja në sektorët e turizmit, energjetikës dhe infrastrukturës, si fusha të rëndësishme për zhvillimin ekonomik dhe rritjen e konkurrueshmërisë së Malit të Zi.