Ambasada e SHBA-së në Tiranë deklaroi sot se SHBA do të vazhdojë të mbështesë Këshillin e Lartë Gjyqësor për plotësimin e vendeve vakante të Gjykatën e Lartë.
Në një videomesazh, ambasada e SHBA-së në Tiranë vlerëson punën e bërë për Reformën në Drejtësi, kryesisht të plotësimit të anëtarëve të Gjykatës së Lartë që kanë reduktuar numrin e çështjeve të ngelura pa shqyrtuar.
“Në vitin 2019, Gjykata e Lartë kishte një gjyqtar nga 19 vende. Sot ka 16 anëtarë dhe vetëm tre vende të paplotësuara. Në korrik të 2020, Gjykata e Lartë kishte rreth 35,000 çështje të prapambetura. Që nga prilli i vitit 2021, projekti për uljen e çështjeve i financuar nga SHBA ka përpunuar mbi 8,200 çështje të mbetura – dhe Gjykata e Lartë iu ka dhënë zgjidhje 5,200 prej tyre”, shprehet ambasada amerikane.
“Më shumë duhet bërë. SHBA do të vazhdojë të mbështesë Këshillin e Lartë Gjyqësor teksa ai plotëson vendet vakante të mbetura në Gjykatën e Lartë dhe do të mbështesë përpjekjet e mëdha për të pakësuar çështjet e prapambetura. Shqiptarët meritojnë drejtësi të shpejtë, të vërtetë”, deklaroi ambasada e SHBA-së.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.