Greva e transportit publik në Itali, ndërpriten shërbimet e autobusëve dhe metrosë në disa qytete

Një grevë e punonjësve të transportit publik ka shkaktuar ndërprerje dhe vonesa në qarkullimin e autobusëve, tramvajeve dhe metrosë në disa zona të Italisë, përfshirë Milanon, Monzën, Brianza-n dhe Venecian, siç njofton Shqiptarja.com.

Sipas mediave italiane, kompanitë e transportit ATM dhe ATVO kanë paralajmëruar udhëtarët për probleme në shërbimin e transportit gjatë ditës, për shkak të protestës së organizuar nga disa sindikata.

Në Milano, Monza dhe Brianza, greva është thirrur nga sindikatat “AL Cobas” dhe “Confial Trasporti”. Kompania ATM ka njoftuar se shërbimi nuk do të garantohet nga ora 08:45 deri në 15:00 dhe pas orës 18:00 deri në përfundim të shërbimit.

Në Venecia, greva e punonjësve të ATVO-s pritet të zgjasë 24 orë, nga ora 00:01 deri në 24:00, duke prekur autobusët e linjave që lidhin qytetin me zonat përreth dhe ishujt.

Sindikatat kërkojnë rritje pagash, kushte më të mira pune dhe më shumë siguri për punonjësit.