Gruda: Ligji për Specialen, sukses i përpjekjes institucionale të PDK-së

Deputeti i Partisë Demokratike të Kosovës, Përparim Gruda, falënderoi sot në një konferencë për media deputetët e Kuvendit dhe qytetarët për mbështetjen e tyre për ndryshimin dhe plotësimin e Ligjit për Dhomat e Specializuara dhe Zyrën e Prokurorit të Specializuar, raporton KosovaPress.

Gruda theksoi se miratimi i ligjit nuk duhet të shihet si triumf i ndonjë partie politike. Sipas tij, ligji synon kufizimin e juridiksionit të Dhomave të Specializuara dhe garantimin e një procesi gjyqësor në përputhje me standardet e Konventës Evropiane për të Drejtat e Njeriut dhe Kushtetutën e Kosovës.

Ai tha se PDK-ja është e bindur se ndryshimet e miratuara nuk cenojnë detyrimet ndërkombëtare të Kosovës, dhe përmendi deklaratën e presidentes së Komisionit Evropian, Ursula von der Leyen, për të drejtën e Kosovës për ta ndryshuar ligjin.

Në konferencë, Gruda uroi edhe Justina Shiroka-Pulën për zgjedhjen presidente me mandat pesëvjeçar, duke thënë se ajo shënon hyrjen e vendit në një fazë të re politike. Kujtojmë se mbrëmë Kuvendi i Kosovës miratoi në lexim të dytë projektligjin për Specialen dhe zgjodhi në raundin e parë me 81 vota presidenten e re të vendit.