Guardiola bën filozofin: Më mirë një pikë se sa një humbje!

Trajneri i Manchester City, Pep Guardiola, ka reaguar për mediat pas barazimit 3-3 që skuadra e tij arriti dje ndaj Everton. Një barazim që ndërlikon mjaft rrugën e “qytetarëve” drejt titullit kampion në Premier League.

“Performancë vërtet e mirë. Luajtëm një pjesë të parë të shkëlqyer. Ishte shumë e vështirë me fizikalitetin e tyre. Në pjesën e dytë, ata bënë një hap përpara. Nuk kishim aq shumë kontroll dhe pësuam gol”, tha Guaridola.

Më tej, spanjolli komentoi: “Pas kësaj ata u rikthyen dhe bënë një lojë të mirëfilltë angleze, shumë agresivë në duele. Por në përgjithësi bëmë një performancë vërtet të mirë”.

“Nuk është e lehtë sepse ata luajnë shumë mirë në mbrojtje, me 10 lojtarë atje dhe tranzicione. Ndeshjet në fushën e Everton janë gjithmonë të vështira dhe unë u jap merita atyre për qetësinë dhe agresivitetin e tyre”, tha spanjolli.

“Ne marrim pikën dhe derisa të mbarojë sezoni do të vazhdojmë. Është më mirë se një humbje. Luajtëm për të fituar. Thjesht tregon se çfarë është skuadra. U përpoqëm dhe e kemi bërë. Më parë ishte në duart tona. Tani, jo”, deklaroi Guardiola.

“Duhet ta bëjmë këtë në katër ndeshjet që kemi në Premier League. Do të jetë mjaft e ngjashme kundër Brentford. Do të shohim se çfarë do të ndodhë“, tha trajneri i City.