Guvernatori Sejko prezanton raportin e BSH-së për vitin 2014

Guvernatori Genti Sejko është duke prezantuar në komisionin parlamentar të Ekonomisë dhe Financave raportin e Bankës së Shqipërisë për vitin 2014.

Sejko po paraqet drejtimet kryesore të punës gjatë vitit të kaluar, përfshirë politikën monetare, stabilitetin financiar, si dhe një përmbledhje të gjendjes ekonomiko-financiare të vendit.

Gjatë prezantimit të raportit, Guvernatori i Bankës së Shqipërisë pritet të parashtrojë sfidat me të cilat po përballet ekonomia shqiptare, drejtimet kryesore të politikës monetare në vijim, një opinion mbi zhvillimet në ekonominë botërore dhe ndikimin e saj në ekonominë shqiptare.