Veseli: PDK, garantuese e të arriturave të shtetit
Partia Demokratike e Kosovës e ka mbledhur Këshillin Drejtues të saj.
“Si gjithmonë, Partia Demokratike e Kosovës, në të gjitha nivelet e saj, në të gjitha angazhimet e saj, ka qenë garantuesi kryesor i të arriturave të mëdha të shtetit tonë gjatë gjithë këtyre viteve. Do të vazhdojmë të jemi të tillë. E kemi obligim dhe pasion njëkohësisht këtë synim. Pa asnjë mëdyshje. Asnjë lëkundje. Sepse jemi partia më e madhe në vend. Sepse kemi besimin më të madh të qytetarëve të Republikës. Sepse alternativa jonë politike është alternativa më bindëse për shtetin e Kosovës, për fuqizimin dhe avancimin e tij të brendshëm dhe të jashtëm”, ka thënë Veseli.
Në dy vjetët e fundit si shtet dhe shoqëri, Veseli ka thënë se kemi kaluar momente aspak të mira.
“Kemi kaluar momente sfiduese për shtetin dhe disa herëzhgënjyese për qytetarët tanë”, është shprehur ai.
Sipas kreut të PDK-së, imponimi i frymës së konfliktit politik dhe ikja nga domosdoshmëria e konsensusit për interesat vitale të shtetit, kanë pasur vetëm pasoja negative për vendin dhe qytetarët.
