“Hapja e dosjeve”, pr/ligji nesër në Kuvend

Kuvendi shqyrton të enjten në seancë plenare dy projektligjet “për hapjen e dosjeve të ish-Sigurimit të Shtetit”, të propozuar nga qeveria dhe nga shoqëria civile.

Ndërsa drafti i fundit është rrëzuar nga maxhoranca gjatë shqyrtimit në komisionet parlamentare, projekti i qeverisë, që pritet të shoqërohet me debate në seancën e nesërme, ka pësuar ndryshime.

Ligji i ri parashikon që ky proces të bëhet nga Autoriteti i Informimit Publik, një strukturë me pesë anëtarë, që do të jetë në varësi të Kuvendit. Shqipëria në këtë proces parashikon të ndjekë modelin gjerman, i cili ka rezultuar i suksesshëm. Pr/ligji merr parasysh vendimet e Gjykatës Kushtetuese për këtë çështje dhe është në respekt të plotë të parimeve të Komisionit të Venecias.