Haradinaj flet nga Tirana për ekstradimin e mundshëm të “Babales”
“Babalja” nuk ka mbetur vetëm në kuadrin e një çështje që ka trazuar politikën në Tiranë, por ka hapur një precedent edhe me Prishtinën zyrtare, pasi Albert Veliu aktualisht është azilant në Kosovë.
E teksa të martën ai i qëndroi “stoik” të vërtetës së tij, duke thënë për “Open” se zëri në audio-përgjim është i Agron Xhafajt dhe jo i Fredi Alizotit, për Babalen ka folur dje edhe kryeministri kosovar Ramush Hardinaj.
Në një ligjëratë të mbajtur në UET, Haradinaj është pyetur për mundësinë e ekstradimit nga Kosova të “Babales”, duke theksuar se duhen kaluar të gjitha etapat ligjore për të parë nëse ekstradimi është i mundshëm.
“Nuk e kam ndjekur shumë temën në fjalë. Ne bëjmë kujdes kur bie fjala tek ndarja e pushteteve. Pushtetet tona janë bukur të ndara. Deportimi i gylenistëve ka qenë një mësim për të respektuar të gjitha procedurat ligjore të Kosovës kur bie fjala tek ekstradimet”, tha Haradinaj.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.