Hasani: Nëse Specialja e anulon ligjin, Kosova mund ta anulojë marrëveshjen e vitit 2014

Juristi dhe ish-kryetari i Gjykatës Kushtetuese të Kosovës, Enver Hasani, ka deklaruar se nëse Dhomat Kushtetuese të Gjykatës Speciale e anulojnë ligjin për këtë gjykatë, shteti i Kosovës ka të drejtë ta anulojë edhe Ligjin e vitit 2014 për ratifikimin e marrëveshjes ndërkombëtare, siç njofton Klan Kosova.

Sipas Hasanit, për një vendim të tillë nuk kërkohen dy të tretat e votave të deputetëve të komunitetit serb, duke e cilësuar këtë si një të drejtë që i takon shtetit të Kosovës në rrethanat e krijuara.

Deklarata e Hasanit vjen në kohën kur në Kuvendin e Kosovës po shqyrtohen nisma për ndryshimin e Ligjit për Dhomat e Specializuara, pas aktgjykimit të 16 shtatorit kundër ish-krerëve të UÇK-së, ndërsa Gjykata Kushtetuese ka në shqyrtim kërkesa lidhur me ligjin për Specialen.

Hasani ka shtuar se, në këtë rast, shteti i Kosovës “ka të drejtë ta anulojë Ligjin e vitit 2014 për ratifikimin e marrëveshjes ndërkombëtare dhe nuk kërkohen 2/3 e votave të komunitetit serb”.