Nis protesta në Bruksel, kërkohet drejtësi për çlirimtarët

Bashkatdhetarë të shumtë janë mbledhur sot në qendër të Brukselit për të protestuar kundër vendimit të Gjykatës Speciale për ish-krerët e UÇK-së, siç njofton IndeksOnline.

Me këngë patriotike dhe me flamujt e UÇK-së, të Shqipërisë, të Kosovës dhe të Amerikës, protestuesit kanë dërguar një thirrje të qartë për drejtësi për çlirimtarët.

Protestuesve iu janë bashkuar edhe shumë qytetarë që kanë udhëtuar nga Kosova, përfshirë udhëheqësit e platformës “Liria Ka Emër”, si dhe vëllain e Kadri Veselit, i cili shoqërohej nga Hysni Gucati.

Më 16 shtator, Gjykata Speciale në Hagë dënoi Hashim Thaçin me 25 vjet burgim, Kadri Veselin me 18 vjet, Jakup Krasniqin me 25 vjet dhe Rexhep Selimin me 13 vjet — aktgjykim që ka nxitur protesta të vazhdueshme në Kosovë dhe në diasporë.