Haxhinasto: Gjermania, partner kryesor në investimet në sektorin e ujit

TIRANE, 21 Tetor– Gjermania është fokusuar në ato sektorë, të cilët sjellin një impakt shumë të madh në zhvillimin e vendit, në dhënien e shërbimeve cilësore publike, ku midis të tjerave uji zë një vend të veçantë, ku 30 për qind e investimeve kanë shkuar për fushën e ujit.

Keshtu eshte shprehur Ministri i Transportit dhe Infrastrukturës, Edmond Haxhinasto, në aktivitetin e organizuar me rastin e Ditës së Bashkëpunimit Shqipëri-Gjermani, ku prezantoi disa nga strategjitë dhe sfidat me të cilat perballet sektori i ujësjllës – kanalizime.

Ne total Gjermania ka investuar ne Shqiperi rreth 900 milione euro. Ndërkohë si sfida te bashkepunimit ministri Haxhinasto renditi rritjen e efiçiencës energjetike të sistemit, uljen e humbjeve në rrjet, rritjen e aftësive profesionale të drejtuesve dhe kapaciteteve njerëzore, por sigurisht dhe sjelljen e një kulturë të re edhe të qytetarëve, pasi shërbimi që ofrohet ka një kosto dhe këtë duhet ta paguajmë me qëllim që ta ruajmë cilësinë sa më të lartë.

MInistri Haxhinasto tha se “ne do të shohim mënyrën e agregimit të shpejtë të ndërmarrjeve të ujësjellës-kanalizimeve, me qëllim që edhe modelet e suksesshme që ne kemi, si ai i Korçës, Pogradecit po edhe i Berat-Kuçovës, të shtrihen më gjërë dhe të reduktojnë sa më shumë kostot administrative, të rrisin aftësinë menaxhuese të stafeve dhe kapacitetin investues të këtyre utiliteteve.

Persa i takon investimeve, tha Haxhinasto, ne i kemi ato që duhen bërë në Masterplanin e realizuar në bashkëpunim me KfW-në, pra investimet ekzistojnë.” Shumë shpejt do të kemi dhe projekte dhe investime të reja, si nga KfW, ashtu edhe nga Banka Botërore për sistemin e ri të ujësjellësit në Durrës”, theksoi Haxhinasto.