Haxhinasto inspekton punimet në ujësjellësin e Rrëshenit

Ministri i Transportit dhe Infrastrukturës, Edmond Haxhinasto, inspektoi të shtunën punimet që po kryhen për ndërtimin e ujësjellësit në Rrëshen.

Sipas ministrit Haxhinasto, nga ndërtimi i këtij ujësjellësit do të përmirësohet furnizimi me ujë i rreth 10 mijë banorëve të këtij qyteti.

“Janë ndërtuar 150 km linje e re për furnizmin me ujë të qytetit, pasi rrjeti i vjetër ishte mjaft i amortizuar, çka bënte që edhe humbjet në rrjet të ishin të larta”, u shpreh ministri Haxhinasto.