Hegseth nderon me medalje ushtarin që e qortoi në Varrezat e Arlingtonit (VIDEO)

Sekretari amerikan i Mbrojtjes, Pete Hegseth, ka nderuar me një medalje ushtarin që e qortoi atë dhe anëtarët e stafit të tij për mungesë respekti në Varrin e Ushtarit të Panjohur, në Varrezat Kombëtare të Arlingtonit.

Të enjten, Hegseth i akordoi Specialistit Thomas Iglesias Medaljen e Lavdërimit për Shërbimin e Përbashkët, në shenjë vlerësimi për mënyrën se si ai zbatoi detyrën gjatë ceremonisë së Ditës së Veteranëve, më 11 nëntor 2026.

“Ne i duam ushtarët. Ne i duam standardet. Bravo, Specialist. Vazhdoni përpara, Patriotë”, shkroi Hegseth në një postim në rrjetet sociale.

Një zyrtar i Pentagonit konfirmoi se Hegseth priti në ambientet e institucionit Regjimentin e 3-të të Këmbësorisë, të njohur si Garda e Vjetër, ku i dorëzoi Iglesias medaljen për kryerjen me korrektësi të detyrave të tij në Varrin e Ushtarit të Panjohur.

Ngjarja që çoi në këtë vlerësim ndodhi të mërkurën, gjatë vizitës së Hegseth në Varrezat Kombëtare të Arlingtonit, ku ai shoqërohej nga bashkëshortja dhe disa prej bashkëpunëtorëve të tij të afërt.

Pas një ceremonie për Ditën e Veteranëve, grupi po realizonte fotografi përpara memorialit. Pasi përfunduan fotot, disa prej tyre u dëgjuan duke biseduar dhe qeshur, duke tërhequr vëmendjen e ushtarit që ruante varrin.

Specialisti Iglesias ndërpreu patrullimin, u kthye nga grupi dhe u kërkoi të respektonin rregullat e vendit.

“Të gjithë vizitorët do të ruajnë një atmosferë heshtjeje dhe respekti në çdo kohë”, ishte paralajmërimi i tij.

Zëdhënësi i Pentagonit, Sean Parnell, reagoi pas incidentit, duke vlerësuar sjelljen e ushtarit. Sipas tij, Iglesias u kujtoi të pranishmëve, me korrektësi dhe respekt, rëndësinë e ruajtjes së etikës në këtë memorial.

Varri i Ushtarit të Panjohur është një nga memorialet më të rëndësishme dhe më të shenjta të luftës në Shtetet e Bashkuara. Ai nderon ushtarët amerikanë të rënë, identiteti i të cilëve nuk është bërë i ditur, dhe vizitohet rregullisht nga politikanë, personalitete të huaja dhe figura të rëndësishme publike.

Ruajtja e memorialit është një detyrë që kryhet 24 orë në ditë nga ushtarët e Regjimentit të 3-të të Këmbësorisë, Garda e Vjetër, që prej vitit 1948. Një prej përgjegjësive të tyre është edhe garantimi i heshtjes dhe respektit nga të gjithë vizitorët që afrohen pranë varrit.

A Tomb Guard from the U.S. Army’s 3rd Infantry Regiment, “The Old Guard” was forced to verbally reprimand Secretary of Defense Pete Hegseth and a group of his senior advisers Wednesday after some in the group laughed and loudly talked in front of the Tomb of the Unknown Soldier at Arlington. Video of the incident, posted by CNN, shows Hegseth standing and taking photos in front of the tomb with his wife, Jennifer, chief of staff Ricky Buria, deputy chief of staff Patrick Weaver as well as senior adviser and deputy assistant Tami Radabaugh, following a ceremony at Arlington National Cemetery for Veterans Day.