Hoyt Yee: Amerika është e përfshirë që nga fillimi në dialogun Kosovë-Serbi
Zëvendës-Ndihmës Sekretari amerikan i Shtetit, Hoyt Brian Yee ka komentuar deklarimet e fundit se Amerika duhet të bëhet pjesë e dialogut ndërmjet Prishtinës dhe Beogradit.
Në Samitin e 17-të ekonomik të Serbisë, ai ka thënë se Shtetet e Bashkuara të Amerikës kanë qenë të përfshira në dialog qysh nga fillimi. “Amerika ka qenë e përfshirë që nga fillimi në dialog dhe kjo nuk është sekret që kemi marrë pjesë në këtë proces të udhëhequr nga Brukseli”, tha Yee, transmeton lajmi.net
Zyrtari i lartë amerikan ka thënë se shteti i tij dëshiron që vendet e Ballkanit të jenë të qëndrueshme dhe të mos kenë konflikte. “Ende ekziston rreziku i konfliktit për aq kohë sa ka mosmarrëveshje dhe probleme të pazgjidhura. Por tendenca e paqes dhe stabilitetit është pozitive”, shtoi zyrtari amerikan.
Sipas tij, vendet që e duan anëtarësimin në BE duhet të jenë të vendosur për atë rrugë. Në fund, ai theksoi përkushtimin e Amerikës për rrugën euro-atlantike të vendeve të Ballkanit Perëndimor.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.