I akuzuar për përfshirje në trafikun e drogës, arrestohet 41-vjeçari shqiptar në Itali

Komanda e Karabinierëve të Raguzës ka arrestuar në flagrancë një 41-vjeçar shqiptar, T.M, i cili kishte banuar në Gulfi Chiaramonte për shumë vite dhe ishte përfshirë në trafikun e drogës.

Të riut iu gjetën sasi kokaine në kushtet e flagrancës.

Hetimi dhe një kontroll personal dhe i automjetit i kryer nga efektivët, çuan në zbulimin e disa dozave të kokainës dhe kanabisit, të destinuara për shitje te palët e treta, një thikë me teh të madh dhe afërsisht 100 euro në kartëmonedha me prerje të ndryshme, me shumë gjasa të ardhura nga aktiviteti i paligjshëm.

Lënda narkotike e gjetur u sekuestrua në pritje të analizave, informon media italiane.

Pas ndalimit, u vendos që shqiptari të lihej në masën e arrestit shtëpiak deri në fund të hetimeve dhe deri në vendimin e Gjykatës së Apelit Iblea.