I arrestuari nga Policia, nipi i Hashim Thaçit

Personi që u arrestua pak minuta më parë nga Policia gjatë protestës së sotme para Kuvendit të Kosovës është nipi i ish-presidentit Hashim Thaçi, sipas raportimit të Klan Kosovës.

Edhe pse i prangosur, ai i foli kamerave për rëndësinë e pjesëmarrjes në këto protesta. Ai tha: “Shoku nuk vlen në këtë regjim. Është veteran, veterani po e arreston një person që i doli ballë.”

Protestat e veteranëve për miratimin e Ligjit për Specialen po zhvillohen para Kuvendit të Kosovës, ku të pranishmit po kërkojnë miratimin e ligjit që ka qenë në fokus të kauzës së tyre prej javësh.