I riu hidhet me një parashutë me ngjyrat palestineze nga Katedralja Duomo, vihet në pranga (VIDEO)

Një italian 32-vjeçar u hodh me parashutë nga maja e Katedrales historike Duomo me një parashutë me ngjyrat e flamurit palestinez.Incidenti ndodhi në orët e para të së enjtes, ku burri arriti të ngjitej në monument dhe më pas të hidhej në shesh. Menjëherë pasi zbriti në shesh, oficerët e policisë e vunë re dhe e ndaluan.

Videoja e regjistruar nga një kalimtar po qarkullon në mediat sociale. I riu merr parashutën dhe përpiqet të largohet, por brenda pak sekondash, oficerët e policisë që ishin në vendngjarje ndërhyjnë dhe e ndalojnë. Një incident i ngjashëm u regjistrua në korrik 2013, kur një burrë 34-vjeçar në atë kohë arriti të anashkalonte masat e sigurisë, të arrinte në çatinë e Duomos dhe të hidhej me parashutë në shesh.