Indonezi, dhjetëra të plagosur nga turbulenca në fluturim

31 persona u plagosën kur një avion i kompanisë Etihad Airëays u gjend mes një turbulence të fortë dhë të papritur gjatë fluturimit drejt Indonezisë. Avioni ishte vetëm 45 minuta larg Xhakartës kur u përball me një turbulencë të fortë.

Mjeti fluturues mundi të ulet pa asnjë problem, por mediat vendase raportuan se 10 persona u dërguan në spital me kocka të thyera, ndërsa pjesa tjetër e të plagosurve u mjekua nga stafi në aeroport. Pasagjerët e avionit publikuan video që filmuan gjatë incidentit ku ata dëgjohen që thërrasin në panik, ndërsa avioni lëkundet fuqishëm.

Autoritetet arabe thanë se gjatë turbulencës, depozitat e bagazheve në kabinë ishin hapur duke plagosur disa njerëz. Kompania Etihad tha se anuloi fluturimin e kthimit dhe po i siguron bileta për avionë të tjerë pasagjerëve.

Ndërkohë, autoritetet indoneziane kanë nisur shqyrtimin e avionit për t’u siguruar se ai nuk ka pësuar dëme nga turbulenca dhe se është në gjendje që të fluturojë sërish pa probleme.