Iniciativa, Banka e Zvicrës për çdo banor do japë 1200 franga në vit

Fuqia blerëse është shumë e dobët, frangu shumë i fortë. Për të luftuar këtë fenomen, është propozuar që Banka Nacionale e Zvicrës t`i ndajë çdo qytetari nga 1200 franga në vit, 100 në muaj.

“Ne kërkojmë që Banka Nacionale e Zvicrës të vazhdojë t`i shpërndajë çdo qytetari direkt një racion të caktuar të parave”, thotë për gazetën „Schweiz am Sonntag” Jean Marc Probst, president i „HandelSchweiz”, shkruan Albinfo.ch

“Rreziqet janë sigurisht më të pakta në qoftë se SNB vazhdon të ndërhyjë në tregun e këmbimit valutor.”

Ai që kishte propozuar këtë iniciativë është ekonomisti Michaël Malquart.

“Këtë mekanizëm, Zvicra e ka aplikuar me sukses tashmë në shlyerjen e tatimit CO2″, thotë Malquarti për « Schweiz am Sonntag”.

Javën e shkuar, Banka Nacionale e Zvicrës njoftoi se do të vazhdon të mos e ndryshojë politikën e saj monetare.