INSTAT: Rritet me 29% numri i pasagjerëve që udhëtojnë në linjat detare
Në transportin ajror janë kryer 1.822 fluturime, duke shënuar një rritje me 7,3 %, ndaj Maj 2016. Në pesë mujorin e parë 2017, janë kryer 8.696 fluturime, duke u rritur me 6,7 %, krahasuar me njëjtën periudhë të një viti më parë.
Në maj, numri i pasagjerëve që kanë udhëtuar me linja ajrore është 192.938, duke u rritur 19,1 %, krahasuar Maj 2016. Në pesë mujorin e parë 2017, numri i pasagjerëve që kanë udhëtuar me linja ajrore është 890.742 duke u rritur me 21,4 %, krahasuar me të njëjtën periudhë të një viti më parë. Transporti ajror i pasagjerëve gjatë kësaj periudhe zë peshën më të madhe me 71,2 % të totalit.
Numri i pasagjerëve që udhëtojnë me linjë detare është 95.312 persona, krahasuar me Maj 2016, ky tregues është rritur 29,2 %. Gjatë pesë mujorit të parë të vitit 2017, numri i pasagjerëve që udhëtojnë në linjë detare është 345.550, duke u rritur me 14,2 %, krahasuar me të njëjtën periudhë të një viti më parë.
