Inter me goditje dyshe në merkato, arrin marrëveshjen personale me dy mbrojtësit e rivalëve

Inter pritet të bëjë disa ndryshime në ekip gjatë verës, duke ditur moshën e madhe mesatare dhe mbi të gjitha faktin që disa lojtarë janë në perëndim të karrierës.

Reparti që do të pësojë ndryshimet më të shumtë është mbrojtja. Sipas Cronache di Spogliatoio, Inter ka piketuar dy përforcime për qendrën e mbrojtjes: Tarek Muharemovic dhe Oumar Solet.

Nicolo Schira raporton se Inter ka rënë dakord për kushtet personale me të dy lojtarët, tani duhet arritur marrëveshja me klubet. Për Oumar Solet çmimi i kërkuar nga Udinese është 25 milionë euro.

Për qendërmbrojtësin boshnjak propozimi i Interit është huazim me të drejtë blerjë. Vlera e 23-vjeçarit në treg është 20 milionë euro, ndërsa gjysma e çmimit në rast të arritjes së amrrëveshjes do të shkojë për Juventusin, që gëzon 50% të të drejtave të lojtarit.