iranë/ Operacion anti-droge, dëgjohen të shtëna te ‘Don Bosko’, makina çan postobllokun, prangoset 1 person
Mbrëmjen e djeshme janë dëgjuar disa të shtëna me armë zjarri në zonën e ‘Don Boskos’.
Sipas banorëve janë dëgjuar disa të shtëna rreth orës 21:35. Mësohet se policia po zhvillon një operacion anti-drogë. Operacioni është në zhvillim, ndërsa zona është e rrethuar nga efektivë të policisë.
Policia ne vijim te aksionit i ka bërë me shenjë një makine që të ndalojë, por drejtuesi i mjetit nuk i është bindur urdhrit.
Ai ka tentuar të çajë post-bllokun e policisë, për t’i shpëtuar kontrollit. Fill pas kësaj, forcat e policisë kanë qëlluar në ajër. Nga blutë e Tiranës bëhet me dije se është arrestuar një person, por ende nuk është konfirmuar nëse i është gjetur drogë në makinë.
Njoftimi i plote i policise:
Tiranë/ Informacion.
Seksioni për hetimin e narkotikëve ka disponuar në rrugë operative informacion se shtetasi B.P, ushtronte aktivitet të kundraligjshëm të shitjes së lëndës narkotike të llojit kokainë në zonën e Don Boskos.
Më datë 01.08.2017 është organizuar puna për kapjen në flagrancë e shtetasit të dyshuar. Në sajë të informacioneve të marra në rrugë operative është konstatuar se shtetasi B. P. po lëvizte me automjetin tip Citroen, së bashku me shtetasin A.M.,në zonën e Don Boskos.
Nga ana e shërbimeve i është bërë shenjë të ndalonte. Drejtuesi i mjetit nuk i është bindur shenjës të ndalimit, por ka levizur me shpejtësi duke bere disa manovra te rrezikshme te cilat rrezikuan jetën e oficerëve të policisë duke përplasur nje automjet te ndërhyrjes.
Gjithashtu në këtë moment me qëllim parandalimin e largimit të automjetit dhe pas thirrjes së punonjesve të policisë për të ndaluar fillimisht, është paralajmëruar me qitje në ajër dhe më pas në drejtim të gomave te automjetit, ku si pasojë ka ngelur i plagosur shtetasi B P, i cili u transportua në spital jashtë rreziku për jetën.
Pas përplasjes është bërë i mundur ndalimi i shtetasit B.P, 27 vjec. Gjatë kontrollit të ushtruar në mjetin tip Citroen, në pjesën e këmbëve të pasagjerit eshte gjetur dhe sekuestruar ne cilesinë e provës materiale një sasi e konsiderueshme e lendës së dyshuar narkotike e llojit kokainë.
Për pasojë është kryer kontrolli i banesës sç shtetasit A.M. ku është gjetur dhe sekuestruar një sasi e konsiderueshme lende e dyshuar si narkotike e llojit kokainë, një peshore elektronike si dhe nje sasi kartmonedhash në valutë euro, të cilat u sekuestruan në cilësinë e provës materiale.
Shtetasi B.P, është dëmtuar si pasojë e përplasjes, ndodhet jashtë rrezikut për jetën. U arrestuan në kushtet e flagrancës shtetasit: B.P dhe A.M, ndaj të cilëve do referohen materialet në Prokurori për veprat penale “Prodhim dhe shitja e lëndëve narkotike kryer në bashkëpunim” dhe “Kundërshtimi i punonjësit të policisë” parashikuar nga nenet 283/ 2 dhe 242 i Kodit Penal.
