Irani arrin prodhimin maksimal në fazën 11 të fushës gazore South Pars: 1 miliardë kubikë në ditë

Irani ka përfunduar zhvillimin e fazës 11 të fushës gazore South Pars, duke arritur një kapacitet prodhimi prej 1 miliard kubikësh (28.3 milionë metrash kubikë) në ditë, sipas agjencisë iraniane Mehr, cituar nga Al Jazeera.

Sipas Mehr-it, projekti u realizua me ekspertizë inxhinierike vendase pas largimit të partnerëve të huaj, përfshirë kompaninë franceze Total dhe kinezen CNPC, pas vitesh vonesash.

Zyrtarët iranianë thanë se ky hap do të ndihmojë në lehtësimin e çekuilibrave të brendshëm energjetikë dhe në sigurimin e furnizimeve me gaz për dimrin, shtoi agjencia.

South Pars është fusha më e madhe gazore në botë, e ndarë mes Iranit dhe Katarit, dhe përbën shtyllën kryesore të prodhimit energjetik iranian.