Ish-ministri i brendshëm u fsheh nga prokuroria

Ish-ministri i punëve të brendshme te Bullgarise, Bojko Rashkov, refuzoi të marrë fletëthirrjen për marrje në pyetje, njoftoi Prokuroria e qytetit të Sofjes.

Më 2 dhjetor u tentua t’i dorëzohej fletëthirrja Rashkovit, por ai nuk e pranoi. Prokuroria e shtetit kërkon që Rashkov të tregojë informacionet e tij të njohura për kontraktimin dhe ndërtimin e loteve 7, 8 dhe 9 në autostradën “Hemus”.

Dalja e Rashkovit para prokurorit dhe dhënia e informacionit është detyrim ligjor i tij, ashtu siç është edhe për çdo shtetas tjetër bullgar, thekson prokuroria dhe i rikujton se ligji u jep të drejtën për sjellje të detyruar dhe gjobë deri në 1000 euro.

Në fund të nëntorit, në një intervistë televizive, Rashkov deklaroi se ka dëshmi të “burimeve të mëdha financiare që kanë rrjedhur në kompanitë e afërta me partinë GERB”.