Flet Nazime Visha: Do nis shkollën, faleminderit Kadaresë dhe ministrit

Mes lotëve dhe emocioneve Nazime Visha sapo ka dalë nga porta e burgut ku po vuante dënimin ka falënderuar të gjithë ata që kanë kërkuar faljen e saj.

“Falenderoj ministrin e Drejtësisë, Ylli Manjanin, falenderoj Ismail Kadaren, Eni Vasilin dhe gjithë të tjerët. Do të nisë shkollën, kam marrë edhe një bursë”, ishin fjalët e para të Nazimes.

Ajo është pritur nga të afërm të saj. Ndërkohë që gazetarja Eni Vasili, e cila ka ndjekur çështjen e Nazime Vishës, ka thënë se kjo është një falje e vonuar.