Ivanov në vizitë zyrtare në Serbi

Presidenti i Republikës së Maqedonisë, Gjorge Ivanov zhvillon një vizitë zyrtare në Serbi, ku do të takohet me homologun e tij serb, Tomislav Nikoliç.

Sipas zyrës së shtypit të presidentit Ivanov, ftesa dhe vizita në Beograd është në kuadër të dialogut, të forcimit të marrëdhënieve mes vendeve fqinje dhe bashkëpunimin rajonal.

Në takimin me presidentin Nikoliç pritet të konfirmohen marrëdhëniet e mira mes dy vendeve, vazhdimi i bashkëpunimit veçanërisht në ekonomi dhe bashkëpunimin rajonal.

“Dialogu politik midis Serbisë dhe Maqedonisë gjatë dy viteve të fundit është intensifikuar, thelluar dhe në mënyrë cilësore është avancuar me vizitat dhe takimet e nivelit më të lartë”, thuhet në komunikatën për shtyp të presidentit serb.

Pritet që presidenti Ivanov të takohet edhe me zyrtarë të tjerë të lartë serbë