Jahjaga: Gjykata Speciale, hapi i parë i realizimit të obligimeve ndërkombëtare

Presidentja e Republikës së Kosovës, Atifete Jahjaga, mbështet vendimin e Qeverise për të procesuar amendamentet kushtetuese që kanë të bëjnë me Gjykatën Speciale.

“Ky është hapi i parë drejt realizimit të obligimit të Republikës së Kosovës që del nga marrëveshja ndërkombëtare e votuar me 2/3 e votave të deputetëve. Krijimi i gjykatës reflekton angazhimin e Kosovës për një proces të pavarur dhe të paanshëm për t’u marrë me akuzat e raportit të Këshillit të Evropës në mënyrë kredibile. Kjo gjykatë do të përqendrohet në individë dhe veprime individuale dhe nuk është gjykim i përpjekjeve kolektive të popullit tonë për çlirim dhe liri”, thuhet në një kumtesë të Presidencës.