Jatseniuk: Ukraina e gatshme t’i besojë Holandës hetimin mbi avionin malajzian

 Ukraina u shpreh e gatshme t’i besojë koordinimin e hetimit ndërkombëtar mbi rrëzimin e avionit malajzian, që mendohet të jetë sulmuar nga një raketë, Holandës, vendit që është prekur më shumë nga kjo tragjedi, deklaroi sot kryeministri, Arseni Jatseniuk.

“Ne kemi gjetur 272 trupa, 251 janë tashmë në trenin frigoriferik. (…) Ne jemi të gatshëm për të dërguar të gjithë trupat në Amsterdam për të kryer autopsinë dhe të gjitha ekspertizat e pavarura të nevojshme”, shtoi Jatseniuk në një konferencë shtypi.
”Një tren frigoriferik me pesë vagonë, ku ndodhen trupat e viktimave, vazhdon të jetë në Torez, jo shumë larg vendit të rrëzimit të avionit”, theksoi një gazetar. Nga 298 viktima, 193 ishin holandezë.