⛈️
Tiranë 20°C · Stuhi 19 Nëntor 2026
S&P 500 7,176 ▼2.02%
DOW 49,097 ▼2.19%
NASDAQ 23,879 ▼2.25%
NAFTA 83.11 ▲0.97%
ARI 3,663 ▼2.11%
💱 VALUTAT
EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717 EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717
₿ CRYPTO
BTC $61,688 ▼ -1.35% ETH $1,749 ▼ -0.79% XRP $0.9587 ▼ -1.2% SOL $72.6500 ▼ -0.68%
S&P 500 7,176 ▼2.02 % DOW 49,097 ▼2.19 % NASDAQ 23,879 ▼2.25 % NAFTA 83.11 ▲0.97 % ARI 3,663 ▼2.11 % S&P 500 7,176 ▼2.02 % DOW 49,097 ▼2.19 % NASDAQ 23,879 ▼2.25 % NAFTA 83.11 ▲0.97 % ARI 3,663 ▼2.11 %
EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717 EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717
19 Nën 2026
Breaking
Bota

JEMEN – Rebelët Houthi intensifikojnë sulmet kundër Arabisë Saudite

SANA’A, 19 nëntor /ATSH/ – Rebelët Houthi, të mbështetur nga Irani, kanë intensifikuar sulmet me raketa dhe dronë kundër Arabisë Saudite, duke vënë në shënjestër aeroportet, objektet e naftës dhe ndërtesat strategjike, sipas Reuters.

Sulmet janë përshkallëzuar gjatë muajve të fundit dhe kanë shkaktuar viktima, dëme materiale dhe ndërprerje të transportit ajror.

Aeroporti i Riadit është një nga objektivat më të shpeshtë të Houthëve.

Autoritetet saudite kanë konfirmuar të paktën katër sulme gjatë javës, të cilat shkaktuan gjithsej 18 viktima, sipas shifrave të raportuara nga autoritetet.

Sulmet janë shtrirë edhe në aeroporte të tjera të rëndësishme, përfshirë ato të Dammamit, Abhës dhe Najranit, si dhe bazën ajrore të Khamis Mushait.

Në një prej sulmeve ndaj aeroportit të Abhës, autoritetet saudite raportuan dy viktima.

Ndërkohë, Arabia Saudite ka lëshuar vazhdimisht alarme për sulme me raketa në rajonet jugore dhe ka njoftuar për interceptimin e disa predhave.

Një tjetër objektiv i rëndësishëm është infrastruktura energjetike saudite.

Houthët kanë pretenduar se kanë goditur disa herë tubacionin East-West, i cili lidh zonat prodhuese të naftës në Gjirin Persik me Detin e Kuq.

Ky tubacion ka marrë rëndësi të veçantë si rrugë alternative për eksportin e naftës, pasi Irani ka mbyllur Ngushticën e Hormuzit.

Grupi ka pretendon se ka kryer gjithashtu sulme ndaj rafinerive në Jazan, Ras Tanura dhe pranë Riadit, por autoritetet saudite nuk i kanë konfirmuar këto goditje.

Kreu i kompanisë shtetërore “Saudi Aramco” Amin Nasser, deklaroi se kompania kishte forcuar masat e sigurisë për t’iu përgjigjur incidenteve të mundshme. Sipas tij, janë krijuar ekipe të posaçme reagimi dhe janë zgjeruar rezervat emergjente, pa dhënë hollësi mbi dëmet apo sulmet konkrete ndaj objekteve të kompanisë.

Përshkallëzimi i sulmeve rrit shqetësimet për sigurinë e Arabisë Saudite dhe stabilitetin e tregjeve ndërkombëtare të energjisë.

Goditja e aeroporteve dhe e infrastrukturës së naftës mund të ketë pasoja të rëndësishme për transportin ajror, eksportet energjetike dhe sigurinë rajonale.

Megjithatë, jo të gjitha sulmet e pretenduara nga Houthët janë konfirmuar në mënyrë të pavarur, ndaj mbetet e rëndësishme të bëhet dallimi mes pretendimeve të grupit dhe njoftimeve zyrtare saudite. /Ad.Ab./ a.jor.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.